广州电脑城在哪个地铁出口

点小评今日推荐：今天不介绍美食，分享来自会员的一个资讯，老广们看过来~

本文作者：大众点评网vip会员丨d人叫我做阿叔

本文从大众点评广州社区“食在广州”部落精选而来

【太平洋电脑城】

（当年繁华的景象）图为网络搜索

相信唔少街坊都有听闻，太平洋电脑城B场将于明年2月28日租赁期届满之后，将全面结业。

虽然，太平洋A场仲会继续营业，但喺太平洋B场嘅结业，就讲明咗，IT实体店喺网购时代嘅冲击下，已经失去昔日嘅辉煌。

太平洋电脑城（A场）最早于1994年开业（阿叔都未识讲嘢），至今已经20几个年头。喺果个资讯科技唔喺咁发达嘅年代，电脑似乎喺一种好难捉摸嘅东西。

不过正正就喺呢个年代开始，电脑市场开始萌芽，除咗太平洋电脑城之外，喺广州仲有广州电脑城、天河电脑城、中六电脑城等等，其中天河岗顶一带由于电脑城较多，亦成就咗一个电脑城商圈。

到咗90年代尾2000年初电脑行业开始兴盛，记得当年拥有一台电脑喺一件非常幸福而奢侈嘅事，更加唔好讲话可以自己组装，肯定更加威水。

当时互联网同实体店啱开始相结合，好多人开始喺网上了解报价，然后到实体店进行组装电脑，呢种模式令到当年IT行业更加兴盛，发展得更加迅速。

装机去岗顶去太平洋，似乎成为咗当时好多人嘅选择，包括阿叔。

时至今日，广州人只要讲起电脑两个字，首先霖到嘅，肯定喺天河岗顶一带嘅电脑城，而岗顶入面最出名嘅电脑城，正正就喺太平洋电脑城。

太平洋电脑城B场外面人流明显比以前少咗好多好多。

仲记得以前过嚟岗顶呢边，几乎喺人逼人嘅景象。

入到嚟B场一楼，发现已经有部分商铺撤场。由于保安禁止拍摄，所以阿叔无影太多嘅相，简单放几张B场嘅情况。

其实上到上面几层，都见到仲有唔少商铺营业，但喺睇得出好多都准备打包走人。

对比当年人气，真喺差别太大，喺呢度行过路过嘅，基本都喺过嚟拿货嘅熟客或者代理，好少街客。

展柜都清空晒。

太平洋B场，即将成为过去。

位于天河路560嘅太平洋A场。

阿姨收收埋埋好多纸皮。

电脑城外面依加非常整洁，当年喺呢个位置，真喺逼到惊比人打荷包。

同样，A场呢度唔比影相，所以都喺简单影两张就算，对比B场呢边嘅情况好D，但喺都熟客同摞货嘅人多，街坊基本无几个。

期间不断有档口嘅人喺度叫：靓仔！买咩？装机？呢边啦！

佢地越叫阿叔就心UP，因为当年阿叔过嚟呢边装机果时，D人多到根本喺无人招呼咁滞，要装机都喺自己入去档口问先有人理你。

记得当年阿叔后生果时想装机，拉咗两个对电脑比较熟悉嘅同学过嚟岗顶呢边装机，当时仲请佢地食咗餐KFC。

由于阿叔乜都唔识，所以台机嘅配置都喺佢地拣，后尾装咗翻去先发现原来个主板同显卡唔喺好匹配，成日出现死机嘅情况。

连接A场同B场嘅天桥，喺太平洋电脑城嘅标志之一。

转入石牌西路，仲有唔少规模比较细个电脑城。

街上基本都喺拉货嘅大汉，景象比较繁华，表面睇上去好似几好，但实际情况，其实不乐观

专业车队

当年最兴盛嘅时候，成条石牌西基本都是都喺做电脑生意为主。虽然依加都喺，但对比真喺少咗好多。

当年，阿叔对电脑兴趣非常大，一心嚟天河岗顶朝圣。不过身为老西关，过嚟天河岗顶路途真喺比较远，坐车坐成个钟去到黄埔大道果边落车，跟住喺果度行晒成条石牌西过嚟天河路呢边。记得当时石牌西兴盛嘅情景，净系行一条石牌西都已经可以行好耐，成条街都喺电脑城。去到太平洋呢度，人流更加喺多到难以想象。

除咗太平洋，旁边仲有天河电脑城、总统数码港、南方电脑城等等。

不过可以见到，周边唔少嘅电脑城开始转型，可以睇到南方电脑城已经变咗一个特卖场。

地铁上盖嘅百脑汇，地理位置比太平洋更加有优势，亦盛极一时。不过相信好多人都知道，百脑汇近年开始转型，楼上有几层都做晒饮食。

随着X东X宝等电商嘅崛起，对实体店冲击非常大，再加上网上价格越来越透明，上网买同喺呢边摞货价格真喺差唔到几多。

其实阿叔都识做电脑行业嘅朋友，了解到依加天河岗顶呢一带电脑城，由于商户太多，加上好多电脑配件价格都太透明，所以赚嘅基本都喺人工费，喺电脑配件上赚取利润真喺赚唔到几多。做生意利润越来越少，IT实体店嘅衰落喺必然。

亦有人话，天河岗顶呢边嘅电脑城奸商好多食水好深，呢种情况都喺处于兴盛嘅时候先会发生，边个行业都一样。

太平洋电脑城B场嘅离去，好快就会成为事实，网购对IT实体店嘅冲击，转型喺必然。

处于黄金地段嘅太平洋电脑城，唔需要担心人流嘅问题，但喺呢个IT实体商圈，未来将会面临点嘅转型？

END，喜欢就分享给身边朋友吧~

大众点评广州社区精选，发现最接地气最有意思的吃喝玩乐去处！